Netwerk Plek Kenteken
 
 
FAK en Netwerk onderteken kulturele vennootskap PDF Print E-mail

Dr. Callie Opperman, voorsitter van Netwerk in Namibië (regs) en Dr. Dani Goosen, voorsitter van die FAK-raad onderteken die eerste internasionale kulturele vennootskap ter wille van die bevordering van Afrikaans op Donderdag, 25 Julie in die nuwe Deo Gracia Afrikaner kultuursentrum.

Elvira Hattingh

Republikein Dinsdag, 2013-07-30

http://www.republikein.com.na/kultuur/fak-en-netwerk-vir-afrikaner-belange-onderteken-kulturele-vennootskap.208671

Tydens 'n geskiedkundige geleentheid is die eerste internasionale kulturele vennootskap ter wille van die bevordering van Afrikaans tussen die Federasie van Afrikaanse Kultuurverenigings (FAK) in Suid-Afrika en Netwerk in Namibië onderteken.


Netwerk is 'n Namibiese organisasie wat die behoud en bevordering van die Afrikanersaak, asook die Afrikaanse taal en kultuur as doelwit het. Die organisasie is uitgesproke oor die Christelike grondslag waarop dit gevestig is en is nie aan enige politieke party verbonde nie. Dr. Callie Opperman, Netwerk se voorsitter, het tydens die geleentheid gesê die Grondwet gee elke kulturele groep die reg om hul kultuur te beoefen, te bewaar en uit te bou. Hy het sy lof uitgespreek vir die regering se steun en oop gesindheid teenoor plaaslike kulture. “Namibiërs praat van 'ons land' en daar is min ander plekke waar mense so tuis en trots voel en kan sê hulle is trots op ons president – wat self 'n uitgesproke Christen is.”

Dr. Dani Goosen, voorsitter van die FAK-raad, het ook gesê dit is nodig vir Afrikaners om self  verantwoordelikheid te neem om hul taal en kultuur te bevorder en nie op die regering staat te maak om dit namens hulle te doen nie. Volgens hom moet die fokus wees om 'n skeppende, florerende Afrikaanse kultuurgemeen­skap oor landsgrense heen te vorm. Boonop behoort Afrikaners daarop te fokus om 'n goeie samewerkende verhouding met die regering en ander kulturele en taalgemeenskappe in die land te vorm.


Namibiërs slaag volgens hom beter in die laaste twee punte as Afrikaners in Suid-Afrika. Netwerk is nie 'n nuwe kultuurorganisasie nie, maar wil bestaande organisasies wat hulle vir dieselfde Afrikaner-belange beywer, met mekaar laat kommunikeer, saamwerk en 'n positiewe bydrae in die land laat lewer. Die doel is ook nie om beheer uit te oefen nie, maar betrokkenheid by die Afrikaanse taal en kultuur aan te moedig.

In die paar jare wat Netwerk funksioneer, is met verskeie persone en organisasies binnelands en buitelands geskakel, wat die Voortrekkers, Dorslandtrek Gedenkfeeskomitee, ATKV, ATKB, Boeremusiekvereniging, Namibiese Vereniging vir Christelike Onderwys (waarby Afrikaanse privaatskole ingeskakel is), Namibiese Woordfees, Afrikaanse dosente by Unam, asook KRIT ingesluit is.


Saam met die Selfhelp Trust is die Deo Gracia Kultuursentrum, wat as 'n Afrikaanse kultuursentrum moet dien, op die hoek van Bismarck- en Blohmstraat in Windhoek opgerig. Die onderste verdieping van die gebou dien as 'n Afrikaner-argief en museum, met 'n saal en ruimte vir 'n restaurant op die boonste vloer.
Netwerk was ook die afgelope drie jaar gasheer vir die Jongeren Projek se Nederlandse studente wat Namibië as deel van hulle besoek aan Suid-Afrika aangedoen het. Elke tweede jaar word 'n Namibiese student benoem om Nederland te besoek. Netwerk is ter wille van Namibiese studente by die Rapport Onderwysfonds betrokke.


Die nuwe vennoot­skap beloof 'n opbouende samewerking tussen persone en instansies in Namibië en Suid-Afrika wat die Afrikaanse taal en kultuur se belange op die hart dra.

 

 
FAK-toekenning vir Nico Tromp PDF Print E-mail

Republikein Woensdag, 2013-11-20 

http://www.republikein.com.na/kultuur/fak-toekenning-vir-nico-tromp.214802

 

Hier oorhandig prof. Danie Goosen (links), voorsitter van FAK, die FAK Toekenning vir Uitnemende Leierskap aan Mnr. Nico Tromp (regs).

Afrikaners wat diep spore in die sakewêreld, onderwys, uitsaaiwese en kultuur getrap het, is onlangs in Pretoria deur die Federasie van Afrikaanse Kultuurverenigings (FAK) vereer.


Mnr. Nico Tromp het die FAK-toekenning vir Uitnemende Leierskap ontvang vir sy saakmakende en rigtinggewende leierskap, harde werk en deursettingsvermoë. Dit is die eerste keer sedert 1929 dat die FAK 'n Namibiese burger op dié wyse vereer.
Tromp is onder meer 'n stigterslid van die Namibiese effektebeurs, hoofbeskermheer van die Voortrekkers en het 'n selfhelptrust geskep vir die bevordering van die Afrikanerkultuur in Namibië.


Nicolaas Cornelius Tromp is op 13 April 1949 in Windhoek gebore en het 'n BCom-graad aan die Vrystaatse Universiteit behaal. Vanaf 1974 werk hy by Nictus Beperk en dien sedert 1979 as besturende direkteur en voorsitter van verskeie direksies van die Nictus-groep. In 1998 het die groep sy sakebelange na Suid-Afrika uitgebrei hy dien ook as besturende direkteur van Nictus RSA.


Hy was ook voorsitter van die Veritas Eksekuteurskamer, direkteur van Nictus Holdings Beperk in Namibië en het op verskeie trusts vir 25 jaar diens gelewer. Hy is vir die afgelope 15 jaar lid en voorsitter van die Afrikaanse Sakekamer in Windhoek.

 

 
Netwerk Nuusbrief Nr 3 PDF Print E-mail

Lees in hierdie uitgawe:

  • Stamlande Toer
  • Weet jy van?
  • Hoekom u op die poslys is
  • Wie of wat is Netwerk
  • Ons maak kontak met..
  • Vordering met ROF

Lees Meer

 
PDF Print E-mail

Wat is Netwerk?

Netwerk is eerstens 'n organisasie wat bestaan uit ’n netwerk van lede wat hulself as Afrikaners sien en wat uit 'n behoefte na kontak en behoud van hul eie, op 'n manier wil hande vat daarvoor, maar ook tot die uitleef van hul roeping ten opsigte van ander en die land waar hulle woon. Tweedens is Netwerk 'n organisasie wat kontak en bande bewerk tussen sy lede, Afrikaner en Afrikaanse organisasie asook met Afrikaners in die algemeen.

Netwerk is vir hierdie doel gestig op Oktober ‘06 te Windhoek.

Grondslag:

Die grondslag van Netwerk is die Bybel as die Woord van God en dus rigtinggewend vir die hele lewe.

Strewe:

Die strewe van Netwerk is om uitgaande van sy Bybelse grondslag;

  • Diensbaar te wees aan en by te dra tot die ontwikkeling van Afrikaners tot uitnemendheid op elke terrein van die samelewing en in belang van die gemeenskappe en land waar hulle woon.
  • Diensbaar te wees in die bevordering van die belange van Afrikaners en daardeur ook tot voordeel van die gemeenskappe en land waar hulle woon.
  • Diensbaar te wees in die bemagtiging van Afrikaners op alle lewensterreine om sodoende hul welvaart te help verbeter en daardeur ook die gemeenskappe en land waar hulle woon.

Ons is 'n nie-politiese, vrywillige, Christelike Afrikaanse organisasie. As sulks wil ons 'n heenkome vir Afrikaners van alle politieke en ander oortuigings wees.

Hoe word ek Lid?

Om dit so maklik as moontlik te maak is daar twee maniere waarop u kan aansoek doen om lidmaatskap.

Die eerste is om ons bestuurder Koos Keyser te kontak, by die nommers of e-pos adres, wat hieronder verskyn. Hy sal u dan help om 'n aansoek vorm te bekom en die nodige te doen.

Koos Keyser
Sel: +264 85 128 0588
Tel: +264 61 25 4461
e-pos: This e-mail address is being protected from spambots. You need JavaScript enabled to view it

Die ander manier is om onder Lede Sake 'n aansoek in te vul

 

 
Gedrukte Nuusbrief Nr.2 PDF Print E-mail

Lees in hierdie uitgawe:

  • Wat gebeur het op die Afrikaneraand van 2 Augustus

  • Meer oor die Teater stuk "Die Afrikaner 300" wat kom 18 en 19 Oktober.

  • Ons komende jaarvergadering van 18 Oktober

  • Meer oor die beurse wat Netwerk nou via die ROF aanbied

Lees Meer

 
<< Start < Prev 1 2 Next > End >>

Page 1 of 2

Kopiereg © 2007 tot 2017 - Netwerk-Plek.org - Alle Regte Voorbehou